సాయి పల్లవి అదరహో.. మ్యాగజైన్ కవర్ పేజిలోనూ డిఫరెంట్ లుక్..

''ప్రేమమ్'' హీరోయిన్ సాయి పల్లవి సూపర్ క్రేజ్ వస్తోంది. మలయాళంలో ''ప్రేమమ్''లో మలర్ క్యారెక్టర్‌తో యువత హృదయాల్ని హోల్ సేల్‌గా కొల్లగొట్టేసింది. ఈ సినిమా తర్వాత సాయికి చాలా ఆఫర్లు అందాయి. మణిరత్నం కొత్త సినిమా కోసం ఆమెను సంప్రదించారు. 

ఓ రెండు మూడు ఇంటిమేట్ సీన్లు చేయాల్సి ఉందని చెప్పడంతో అలాంటి రొమాన్స్ తనకు ఇష్టం లేదని చెప్పేసి ఈ సినిమాను పక్కనబెట్టేసింది. ప్రస్తుతం వరుణ్ తేజ్ -శేఖర్ కమ్ముల కలయికలో తెరకెక్కుతున్న ‘ఫిదా’ చిత్రంలో హీరోయిన్‌గా కనిపించనుంది సాయి పల్లవి. 

తాజాగా ఓ కవర్ పేజీపై మెరిసింది. ‘జస్ట్ ఫర్ విమెన్’ మ్యాగజైన్ కవర్ పేజిలో సాయిపై స్పెషల్ స్టోరి ఇచ్చారు. సాదారణంగా కవర్ పేజీ అంటే కాస్త గ్లామర్ ఒలకబోస్తుంటారు హీరోయిన్స్. అయితే ఇక్కడ సాయి పల్లవి మాత్రం డిఫరెంట్ లుక్‌తో కనిపించింది. చక్కటి వస్త్రాదారణతో నిండుగా కనిపించి అదరహో అనిపించింది.