విక్టరీ వెంకటేష్, ఐశ్వర్య రాజేష్, మీనాక్షి చౌదరి జంటగా నటించిన చిత్రం సంక్రాంతికి వస్తున్నాం. ఈ నెల 14వ తేదీన విడుదలైన ఘన విజయం సాధించింది. ఇప్పటికే రూ.200 కోట్లకు పైగా వసూళ్లను రాబట్టింది. ఈ నేపథ్యంలో ఈ చిత్రం జబర్దస్త్ స్కిట్ అంటూ సోషల్ మీడియాలో ప్రచారం సాగుతుంది. దీనిపై ఆ చిత్ర దర్శకుడు అనిల్ రావిపూడి స్పందించారు.
"ఆడియన్స్ సపోర్ట్ ఇప్పటివరకు నా కెరీర్లో నిరాశజనకమైన రోజులను చూడలేదు. వాళ్లు నేను ఏ జోనర్ సినిమా చేసిన ఆదరించారు. వాళ్ల ఆదరణతో నా కెరీర్లో అన్నీ మంచి రోజులు, సంతోషకరమైన రోజులే చూశాను" అని ఓ ప్రశ్నకు సమాధానంగా చెప్పారాయన.
దర్శకుడి కావాలనే తన కోరిక 'పటాస్'తో తీరిందని, ఇప్పుడు అంతా బోనస్‌గా భావిస్తున్నానని, చిరంజీవితో ఓ ఎంటర్టైనర్ సినిమా చేయాలనుందని, నాగార్జునతో 'హలో బ్రదర్' లాంటి సినిమా తీయాలనుందని ఆయన ఈ సందర్భంగా తెలిపారు.
