కోలీవుడ్‌లో సుచీలీక్స్ ప్రస్తుతం వివాదాస్పదమైంది. గత కొన్ని రోజులుగా ప్రముఖ గాయని సుచిత్ర ట్విట్టర్ నుంచి లీక్ అవుతున్న ఫోటోలు, వీడియోలు దక్షిణాదిన పెను సంచలనం సృష్టిస్తున్నాయి. ఇండస్ట్రీలోని మరో కోణాన్ని ఈ ఫోటోలు బయటపెట్టేయడంతో సెలెబ్రిటీలు భయం భయంగా కాలం గడుపుతున్నారు. త్రిష, ఆండ్రియా, హన్సిక వంటి టాప్ హీరోయిన్లు, ధనుష్, అనిరుధ్ వంటి పలువురు హీరోల ప్రైవేట్ ఫోటోలను సుచిత్ర లీక్ చేసింది.
అయితే ట్విట్టర్ హ్యాక్ అయ్యిందని సుచి భర్త చెప్తున్నాడు. ఇప్పటికే దీనిపై సైబర్ క్రైమ్‌లో కేసు నమోదైంది. ఈ నేపథ్యంలో సుచీ లీక్స్‌పై బాహుబలు కట్టప్ప, సత్యరాజ్ స్పందించారు. మంచి స్నేహితులు, ప్రేమికులను ఎంపిక చేసుకునేటప్పుడు జాగ్రత్త అవసరం. వారితో తీసుకునే ఫోటోలు భవిష్యత్తులో జీవితానికి పెను సమస్యగా మారే అవకాశం ఉందన్నారు.
మహిళలతో కూడిన ఇలాంటి ఫోటోలను రిలీజ్ చేయడం ద్వారా ఆత్మహత్యలు నమోదయ్యే ఛాన్సుందని.. అందుచేత ఇలాంటి చర్యలకు పాల్పడవద్దని సుచిత్రకు సూచించారు. బాధితులైన పలువురు మహిళల తండ్రిగా మాట్లాడుతున్నానని సత్యరాజ్ ఆవేదన వ్యక్తం చేశారు. అయితే సత్యరాజ్ విజ్ఞప్తిని సుచిత్ర ట్విట్టర్ నుంచి లీక్ చేస్తున్న మర్మ వ్యక్తి పట్టించుకుంటారో లేదో వేచి చూడాలి.
