బాలీవుడ్ వివాదస్పద నటి కంగనా రనౌత్‌పై దేశ ద్రోహం కేసు నమోదైంది. ఈ కేసులో విచార‌ణ కోసం ఆమె శుక్రవారం ముంబైలోని బాంద్రా పోలీసు స్టేష‌న్‌కు వెళ్లారు. నటి వాంగ్మూలాన్ని పోలీసులు రికార్డు చేశారు. మ‌ధ్యాహ్నం ఒటి గంట‌కు ఆమె తన సోద‌రితో క‌లిసి వ‌చ్చారు. ఆ ఇద్ద‌రికీ వై ప్ల‌స్ క్యాట‌గిరీ భ‌ద్ర‌త క‌ల్పించారు.
ఆతర్వాత ఆమె ట్విట్టర్‌లో భావోద్వేగభరితంగా స్పందించారు. తనను ఎందుకు చిత్రవధకు గురిచేస్తున్నారంటూ ప్రశ్నించారు. "మానసికంగా, భావోద్వేగాల పరంగా, భౌతికంగా ఎందుకు హింసిస్తున్నారు? ఈ దేశం నుంచి నేను జవాబులు తెలుకోవాలనుకుంటున్నాను. ఇప్పటివరకు నేను మీ పక్షాన నిలిచాను, ఇప్పుడు మీరు నాకు మద్దతుగా నిలివాల్సిన సమయం వచ్చింది.. జైహింద్" అంటూ ఓ వీడియో సందేశంలో పేర్కొన్నారు.
ఈ క్రమంలో ఆమెకు, ప్రభుత్వానికి మధ్య ఉద్రిక్త వాతావరణం ఏర్పడింది. ముంబయిలోని ఆమె కార్యాలయాన్ని అధికారులు పాక్షికంగా కూల్చివేయడం జరిగింది. కొందరు నేతలకు, కంగనాకు మధ్య సవాళ్లు, ప్రతిసవాళ్లు కూడా నడిచాయి.
