తెలుగు హీరో రాజశేఖర్ ప్రస్తుతం సక్సెస్ కోసం ''గరుడవేగ'' సినిమాతో ప్రేక్షకుల ముందుకు వచ్చేందుకు రెడీ అవుతున్నాడు. అదే సమయంలో తాను హీరోగా ఉండగానే తన వారసురాలిగా కూతుర్ని ఇండస్ట్రీకి పరిచయం చేసే ప్లాన్‌లో ఉన్నాడు. ఇందులో భాగంగా ఇప్పటికే పలువురు టాలీవుడ్, కోలీవుడ్ నిర్మాతలను రాజశేఖర్ సంప్రదించినట్లు తెలుస్తోంది.
చాలాకాలంగా రాజశేఖర్ కూతురు శివాని తెరంగేట్రంపై వార్తలొస్తున్నాయి. నిర్మాత, సినీ నటి జీవితా రాజశేఖర్ కూడా శివాని తెరంగేట్రంపై ప్రకటన చేసినా.. ఇంకా శివానిపై సినిమా ఖరారు కాలేదు. ఇటీవల శివానితో చేయించిన ఓ ఫోటో షూట్ ఆమె మూవీ ఎంట్రీపై చర్చకు కారణమైంది.
