కాంచీ దర్శకత్వంలో రామ రీల్స్ పతాకంపై జాన్ సుధీర్ పూదోట నిర్మించిన 'షో టైమ్' ఆడియో విడుదల కార్యక్రమం హైదరాబాద్‌లో ఘనంగా జరిగింది. ఈ కార్యక్రమంలో జక్కన రాజమౌళి పాల్గొన్నారు. రణధీర్‌, రుక్సార్‌ జంటగా నటించిన ఈ చిత్రానికి ఎమ్‌.ఎమ్‌.కీరవాణి సంగీతం సమకూర్చారు. 'మర్యాద రామన్న', 'ఈగ' చిత్రాల రచయిత ఎస్‌.ఎస్‌.కాంచీ ప్రతి ఒక్కరిలోనూ తప్పులు చూపిస్తుంటారని రాజమౌళి తెలిపారు.
ప్రతి ఒక్కరిలో తప్పులు చూపించే ఆయన దర్శకత్వం వహించిన ఈ సినిమాలో తప్పులు ఉండకూడదని కోరుకుంటున్నానని తెలిపారు. కీరవాణి గారి సంగీతం అలరిస్తుంది. ఈ సినిమాలో మా కార్తికేయ పాట పాడాడు. వాడు బాగా పాడతాడని తెలుసుగానీ, ఇంత బాగా పాడతాడని తెలియదని తెలిపారు.
