ఆర్ట్ డైరెక్టర్ అవినాష్ కొల్లా సార‌థ్యంలో ఇటీవ‌ల హైద‌రాబాద్‌లో 10ఎక‌రాల స్థ‌లంలో నిర్మించిన భారీ కోల్‌క‌తా సెట్ హైద‌రాబాద్‌లో కురిసిన భారీ వ‌ర్షాల కార‌ణంగా దెబ్బ‌తింది. ఆ సెట్‌ను పున‌ర్నిర్మించి కొన్ని కీలక స‌న్నివేశాల‌ను తెర‌కెక్కిస్తున్నారు. నాని స‌హా ఇత‌ర తారాగ‌ణం ఈ షూటింగ్‌లో పాల్గొంటున్నారు. ఈ సంద‌ర్భంగా మేకర్స్ విడుద‌ల చేసిన పోస్టర్‌లో నాని లుక్ ఆక‌ట్టుకుంటుంది.
ఫ‌స్ట్‌టైమ్ నాని, రాహుల్ సంకృత్యాన్ కాంబినేష‌న్‌లో రూపొందుతున్న ఈ మూవీలో నాని స‌రికొత్త రూపాల‌లో క‌నిపించ‌నున్నారు. సాయిపల్లవి, కృతిశెట్టి, మడోనా సెబాస్టియన్ ముగ్గురు బ్యూటిఫుల్ హీరోయిన్స్ న‌టిస్తోన్న ఈ చిత్రాన్ని ప్ర‌తిభావంతులైన సాంకేతిక నిపుణులతో ఎక్కడ రాజీ పడకుండా నిర్మాత వెంకట్‌ బోయనపల్లి రూపొందిస్తున్నారు. రాహుల్ రవీంద్రన్, మురళీ శర్మ, అభినవ్‌ గోమఠం, జీస్సూసేన్‌ గుప్తా, లీలా స్యామ్‌స‌న్‌, మ‌ణీశ్ వ‌డ్వ, ఈ సినిమాలో కీలక పాత్రలు పోషించారు.
నిహారిక ఎంటర్‌టైన్మెంట్ ప‌తాకంపై ప్రొడ‌క్ష‌న్ నెం.1గా ప్రతిష్టాత్మకంగా రూపొందుతున్న ఈ చిత్రానికి సత్యదేవ్‌ జంగా కథ అందించారు. మెలోడీ స్పెషలిస్ట్‌ మిక్కీ జే మేయర్ సంగీతం అందిస్తున్నారు. శాను జాన్ వర్గీస్ సినిమాటోగ్రాఫ‌ర్‌గా, నేష‌న‌ల్ అవార్డ్ విన్న‌ర్ నవీన్‌ నూలి ఈ సినిమాకు ఎడిటర్‌గా వర్క్‌ చేస్తున్నారు.
సాంకేతిక నిపుణులు
డైరెక్టర్: రాహుల్ సంకృత్యాన్, నిర్మాత: వెంకట్‌ బోయనపల్లి, ఒరిజినల్‌ స్టోరీ: సత్యదేవ్‌ జంగా, మ్యూజిక్‌ డైరెక్టర్: మిక్కీ జే మేయర్, సినిమాటోగ్రఫీ: సాను జాన్ వర్గీస్, ఎగ్జిక్యూటివ్‌ ప్రొడ్యూసర్‌: ఎస్‌, వెంకటరత్నం (వెంకట్‌), ఎడిటర్‌: నవీన్‌నూలి.
