దక్షిణాది చలనచిత్ర పరిశ్రమలో సంచలనం రేపిన సుచీ లీక్స్‌పై గాయని గీతా మాధురి స్పందించారు. ‘సుచిత్ర ఈజ్ వెరీ స్ట్రాంగ్.. డిప్రెషన్‌కు లోనయ్యే మనస్తత్వం కాదు. ఆమె సింగర్ మాత్రమే కాదు రేడియో జాకీ, రైటింగ్ స్కిల్స్ .. ఇలా చాలా లక్షణాలు ఆమెలో ఉన్నాయి. కనుక చాలా అవకాశాలు లభిస్తుంటాయి. చాలా బిజీగా ఉంటుంది. డిప్రెషన్‌కు గురయ్యే స్టేజ్‌లో ఆమె ఉందని నేను అనుకోవట్లేదు. అయితే, సుచీ లీక్స్ వెనుక అసలు ఏం జరిగిందో బహిర్గతం కావాల్సి ఉంది. బహుశా... ఆమె ట్విట్టర్ ఖాతా హ్యాకింగ్‌కు గురైందని అనుకుంటున్నా’ అని ఆమె చెప్పుకొచ్చింది.
ఇకపోతే... 2012 సంవత్సరానికిగాను ఉత్తమ నేపథ్య గాయనిగా నంది అవార్డు అందుకోనుండటం తనకు చాలా ఆనందంగా ఉందన్నారు. మొదటి నుంచి తన కెరీర్ కోసం తనతో పాటు తల్లి కూడా వస్తుండేవారని, ఆమెతో చనువు ఎక్కువేనని చెప్పారు. తన కెరీర్ ప్రారంభమైనప్పటి నుంచి ఏ విషయమూ తన తల్లికి తెలియకుండా ఉంచలేదని, ప్రతి విషయాన్ని ఆమెతో షేర్ చేసుకుంటానని.. తనకు ఎవరైనా ప్రపోజ్ చేసిన విషయాన్ని కూడా చెప్పేసేదానినని గీతా మాధురి నవ్వుతూ మనసులోని మాటను వెల్లడించారు.
