సింగర్ సునీత స్టార్ సింగర్‌గా, డబ్బింగ్ ఆర్టిస్ట్‌గా సినీ ఇండస్ట్రీలో రెండు దశాబ్దాలకు పైగా ప్రస్థానం. 17 ఏళ్లకే ప్లే బ్యాక్ సింగర్‌గా మారిన సునీత 19 ఏళ్ల వయసులో ప్రేమ వివాహం చేసుకున్నారు. అతి తక్కువ ప్రాయంలో పెళ్లి చేసుకున్న ఆమె ఓ అబ్బాయి, అమ్మాయికి జన్మనిచ్చారు.
జీవితం సాఫీగా సాగుతున్న తరుణంలో భర్తతో విబేధాలు తలెత్తాయి. విడాకులు ఇచ్చి ఇద్దరు పిల్లలతో పేరెంట్స్ వద్దకు వచ్చేశారు. అన్నింటినీ ఎదిరించి నిలిచిన సునీత ప్రస్తుతం హ్యాపీ లైఫ్ అనుభవిస్తున్నారు. ప్రముఖ పారిశ్రామికవేత్త , మాంగో మీడియా అధినేత రామ్ వీరపనేనిని ఆమె వివాహం చేసుకున్నారు.
రామ్-సునీత వివాహం పిల్లలు ఆకాష్, శ్రేయ దగ్గరుండి నిర్వహించారు. రామ్‌తో వివాహం తర్వాత సునీత జీవితం మారిపోయింది. ఆమె ఆనందకర జీవితం అనుభవిస్తున్నారు. కెరీర్‌లో కూడా బిజీ అయ్యారు. పాడుతా తీయగా లేటెస్ట్ సీజన్ జడ్జిగా వ్యవహరిస్తున్నారు.
