''మామ్'' సినిమా ప్రమోషన్‌లో అతిలోకసుందరి శ్రీదేవి బిజీ బిజీగా వుంది. ఇంగ్లీష్ వింగ్లీష్ సినిమాకు తర్వాత శ్రీదేవి రెండో ఇన్నింగ్స్‌లో రెండో సినిమా ద్వారా ప్రేక్షకులను పలకరించనుంది. హిందీలో ఐదేళ్ల విరామం తర్వాత మామ్‌లో నటించిన శ్రీదేవి, కోల్‌కతాలో మామ్ కోసం చేపట్టిన ప్రచార కార్యక్రమంలో సీనియర్ క్రికెటర్ దాదా సౌరభ్ గంగూలీతో కలిసి శ్రీదేవి న్యత్యం చేసిందని తెలిసింది.
ఈ షో కోల్‌కతా సినీ ప్రేక్షకులకు అంకితం చేస్తున్నట్లు శ్రీదేవి మామ్ టీమ్ వెల్లడించింది. ఇక ఈ నెల 7న మామ్ చిత్రం ప్రేక్షకుల ముందుకు రానుంది. మామ్‌లో అక్షయ్ ఖన్నా, నవాజుద్ధీన్ సిద్ధిఖీలు కూడా శ్రీదేవితో కలిసి నటిస్తున్న సంగతి తెలిసిందే.
