హీరో నితిన్‌కు హీరోయిన్ రాశిఖన్నాకు పెళ్లి జరిగింది. పెళ్లి అంటే నిజమైన పెళ్లి కాదండోయ్... సినిమాలో పెళ్లి. వీరిద్దరి కాంబినేషన్‌లో ప్రముఖ నిర్మాత దిల్ రాజు "శ్రీనివాస కళ్యాణం" అనే చిత్రాన్ని నిర్మించనున్నారు. ఈ చిత్రం కోసం వీరిద్దరూ అచ్చం పెళ్లి సీన్లో నటించారు. ప్రస్తుతం దీనికి సంబంధించిన ఫోటోలు, వీడియో ఒకటి వైరల్‌గా మారింది. ఆ వివరాలను పరిశీలిద్ధాం.
ఫ్యామిలీ ఆడియన్స్ టార్గెట్‌గా తెరకెక్కనున్న ఈ సినిమా షూటింగ్‌ ఆదివారం ప్రారంభమైంది. ఈ సందర్బంగా టైటిల్ లోగోతో పాటుగా పెళ్లి పీటలపై నితిన్, రాశిఖన్నా పెళ్లి సన్నివేశంతో కూడిన వీడియోను రిలీజ్ చేశారు. నితిన్, రాశిఖన్నా పెళ్లి జరుగుతుండగా 'శ్రీ శ్రీనివాసుడి కళ్యాణం..' అంటూ వస్తున్న బ్యాక్‌గ్రౌండ్ స్కోర్ ఆకట్టుకుంటోంది.
