రామ్ చరణ్, ఎన్టీఆర్ హీరోలుగా దర్శకధీరుడు రాజమౌళి దర్శకత్వంలో మల్టీ స్టారర్ మూవీ రాబోతున్న సంగతి తెలిసిందే. కథను ఎన్టీఆర్, చెర్రీ ఇద్దరూ ఓకే చేయడంతో ప్రస్తుతం స్క్రిప్ట్ పనుల్లో బిజీగా ఉన్నాడట దర్శకధీరుడు రాజమౌళి.
ఈ నేపథ్యంలో అరవింద సమేత సినిమాతో హిట్ కొట్టిన ఎన్టీఆర్.. దసరా కానుకగా హిట్ సినిమాను తన ఖాతాలో వేసుకున్నాడు. దాంతో ఈ సినిమా కోసం నాన్ స్టాప్‌గా పనిచేసిన ఎన్టీఆర్, నెల రోజుల పాటు విశ్రాంతి తీసుకోవచ్చనే టాక్ వచ్చింది. కానీ ఎన్టీఆర్ రెస్ట్ తీసుకోకుండానే.. రాజమౌళి సినిమా పనుల్లో మునిగిపోవాలనుకుంటున్నట్లు తెలిసింది.
అంతేకాదు.. రాజమౌళితో సినిమా చేయనున్న ఎన్టీఆర్.., ఆ సినిమాలో తన లుక్‌కి సంబంధించిన విషయంలో ప్రత్యేక శ్రద్ధ తీసుకుంటున్నాడట. శారీరక పరమైన కసరత్తుల విషయంలో 45 రోజుల పాటు కఠోర శిక్షణ తీసుకోనున్నాడని చెబుతున్నారు.
