'జల జల జలపాతం నువ్వు' పాటకు స్టెప్పులు ఇరగదీసిన రష్మీ-సుధీర్ (వీడియో)

శుక్రవారం, 16 ఏప్రియల్ 2021 (19:01 IST)
Sudheer-Rashmi
సినిమా పాటలను డ్యాన్స్ చేయడం, డైలాగ్‌లను అనుకరించడం ప్రస్తుతం ఫ్యాషనైపోయింది. అలాగే ఆ వీడియోలను టిక్ టాక్ వంటి యాప్‌లలో పోస్టు చేయడం ప్రస్తుతం ట్రెండింగ్‌గా మారింది. ఇక సెలెబ్రిటీలైతే వేరే లెవల్. వారు చేసే డ్యాన్సులు సోషల్ మీడియా, య్యూట్యూబ్‌లను షేక్ చేస్తాయి. తాజాగా 'జల జల జలపాతం నువ్వు'.. ఉగాది ముందు వరకు ఈ పాట వినగానే ప్రేక్షకులకు వైష్ణవ్‌-కృతిశెట్టి గుర్తుకొచ్చేవాళ్లు.
 
 
కానీ పండగ తర్వాత నుంచి ఈ పాట వింటే బుల్లితెర జోడీ సుధీర్‌-రష్మి కళ్ల ముందు మెదులుతున్నారంటే అతిశయోక్తి కాదు. ఎందుకంటే ఈటీవీలో ప్రసారమైన ఉగాది ఈవెంట్‌లో ఈ జోడీ చేసిన డ్యాన్స్‌ ప్రతి ఒక్కర్నీ బాగా ఆకర్షించింది. 
Sudheer, Rashmi
 
'జబర్దస్త్‌' వేదికపై వ్యాఖ్యాత, కంటెస్టెంట్‌లుగా ప్రారంభమైంది రష్మి-సుధీర్‌ల జర్నీ. వీరు అనతి కాలంలోనే సూపర్‌హిట్‌ జోడీగా పేరు తెచ్చుకున్నారు. వీరిద్దరి మధ్య ప్రేమాయణం నడుస్తుందని టాక్ వస్తూనే వుంది. 

కెమిస్ట్రీ వీరిద్దరికీ బాగా వర్కౌట్ అయ్యిందని.. త్వరలో పెళ్లి పీటలెక్కుతారని జనం నమ్ముతున్నారు. ఈ నమ్మకానికి జీవం పోసేలా.. తమ అభిమానుల్ని ఫిదా చేసేందుకు జలపాతం సాంగ్‌కు డ్యాన్స్ చేశారు. ఈ వీడియో ట్రెండింగ్‌లో దూసుకెళ్లింది. ఈ వీడియో మీ కోసం.. 

 

వెబ్దునియా పై చదవండి

సంబంధిత వార్తలు