నందమూరి కళ్యాణ్ రామ్ నటించిన తాజా చిత్రం ఎంత మంచివాడవురా. ఈ చిత్రాన్ని శతమానంభవతి ఫేమ్ సతీష్ వేగేశ్న తెరకెక్కించారు. ఆదిత్య మూవీస్ ఫస్ట్ టైమ్ నిర్మాణ రంగంలోకి ప్రవేశించి ఈ సినిమాని నిర్మించింది. ఈ మూవీ టీజర్ అండ్ ట్రైలర్‌కి ట్రెమండస్ రెస్పాన్స్ వచ్చింది. విభిన్న కథాంశంతో రూపొందిన ఈ సినిమా సంక్రాంతి కానుకగా జనవరి 15న రిలీజ్ కానుంది.
అయితే... ప్రమోషన్స్‌లో మహేష్, బన్నీ దూసుకెళుతున్నారు. దీంతో కళ్యాణ్ రామ్ కూడా కాస్త స్పీడు పెంచి ప్రమోషన్స్ స్టార్ట్ చేసాడు. ఈ నెల 8న ప్రీ రిలీజ్ ఈవెంట్‌ను చాలా గ్రాండ్‌గా నిర్వహించేందుకు ఏర్పాట్లు చేస్తున్నారు.
సో.. నందమూరి త్రయం బాలయ్య, కళ్యాణ్ రామ్, ఎన్టీఆర్ ఈ ముగ్గురు నందమూరి హీరోలు ఒకే వేదిక పైకి రానుండడంతో నందమూరి అభిమానులు ఎంతో ఆసక్తితో ఈ ఫంక్షన్ కోసం ఎదురు చూస్తున్నారు. ఇదే కనుక జరిగితే నందమూరి అభిమానులకు పండగే.
