''గౌతమీపుత్ర శాతకర్ణి'' ఈ సినిమా బాలకృష్ణ నటిస్తున్న100వ సినిమా కావడంతో ఈ సినిమా మీద భారీ అంచనాలే ఉన్నాయి. ఆయ‌న కెరీర్‌లోనే ఓ ప్ర‌తిష్టాత్మ‌క మూవీగా ఈ చిత్రాన్ని తెరకెక్కిస్తున్నారు. విల‌క్ష‌ణ చిత్రాల ద‌ర్శ‌కుడు క్రిష్ ఈ సినిమాకి ద‌ర్శ‌క‌త్వం వ‌హిస్తున్నారు. శాత‌వాహ‌నుల రాజు గౌతమీపుత్ర శాతకర్ణి జీవిత గాథ ఆధారంగా రూపొందిస్తున్నారు.
ఇందులో బాలయ్యకు తల్లిగా హేమ‌మాలిని, హీరోయిన్‌గా శ్రియా నటిస్తోంది. ఇప్ప‌టికే దాదాపు టాకీ పార్ట్ పూర్తి చేసుకున్న ఈ చిత్రం.. త్వ‌ర‌లోనే పాట‌ల షూటింగ్ జ‌రుపుకోనుంది. ఈ సినిమా ఫస్ట్ లుక్‌ని సినిమా యూనిట్‌ విడుదల చేసింది. ఇప్ప‌టికే షూటింగ్ నాడు ఓ లుక్‌ని రిలీజ్ చేసిన చిత్ర బృందం ద‌స‌రా కానుక‌గా ఈ ఫస్ట్ లుక్‌ని విడుదల చేశారు. బాలయ్య కెరీర్‌లోనే ఇది వన్ ఆఫ్ ద బెస్ట్ ఫస్ట్ లుక్ పోస్టర్ అని చెప్పొచ్చు.
సింహాసనంపై బాలయ్య కూర్చుని పక్కన పక్కన సింహం తలమీద చేయి పెట్టిన తీరు ఔరా అనిపిస్తోంది. రాజసం ఉట్టిపడేలా బాలయ్య కనిపిస్తున్నాడు. ఈ పోస్టర్‌తో ఈ సినిమాపై అంచనాలు మరింత పెరిగాయి. పోస్టర్ బ్యా గ్రౌండ్ అంతా కూడా ఆకర్షణీయంగా తీర్చిదిద్దారు. ఈ సినిమా టీజర్‌ను విజయ దశమి రోజు ఉదయం 10.15 నిమిషాలకు రిలీజ్ చేయనున్నట్లు ఈ పోస్టర్లోనే ప్రకటించారు.
