ఆర్‌.ఆర్‌.ఆర్‌. ప్రాసెసింగ్‌ గురించి చరణ్‌ మాట్లాడుతూ, ఈ సినిమాతో చాలా ఎచీవ్‌ చేశాం. ఇండియాలో ఈస్ట్‌, సౌత్‌ అనే తేడాలేకుండా అందరూ కష్టపడిపనిచేశారు. ఫిలిం ఇండస్ట్రీలో భాగమైనందుకు గర్వంగా వుంది. హాలీవుడ్‌ సినిమాలను ఇండియాలో బాగా చూస్తారు. అభినందిస్తారు. అలాంటి హాలీవుడ్‌ ఇంటర్‌నేషనల్‌ ఫిలింన్స్‌ ను రెస్పెక్ట్‌ చేస్తున్నందుకు ఆనందంగా వుంది అన్నారు.
బెస్ట్‌ ఒరిజినల్‌ సాంగ్‌ నాటు నాటు సాంగ్‌ గురించి వివరిస్తూ, ఉక్రెయిన్‌లో యుద్ధానికి మూడు నెలల ముందు షూట్‌ చేశాం. ఉక్రెయిన్‌ పాలెస్‌లో ఎంతో మంది కళాకారులు పనిచేశారు. ఈ పాటకోసం 15 రోజులు పట్టింది. 7 ఏడు రోజులు రిహార్సల్స్‌ చేశాం. చాలా డిఫికల్ట్‌ సాంగ్‌. ఎనర్జీతోనే ఎప్పుడూ వుండాలి. నేనే కాకుండా అందరూ ఎనర్జీతో పనిచేశారని తెలిపారు.
దేశం మొత్తం మీద మీరు కాంట్రిబ్యూట్‌ చేయడం ఎలా అనిపిస్తుంది అన్న ప్రశ్నకు... ఈ జర్నీలో భాగమైనందుకు మాటలతో చెప్పలేని ఆనందం. ఇది ఒక్కరోజులో జరిగిన వండర్‌ కాదు. దీని వెనుక చాలా కృషివుంది. ఆర్‌.ఆర్‌.ఆర్‌. కథను రాజమౌళిగారు తీయడం, కీరవాణి సంగీతం అందించడం, వారి నాన్నగారు విజయేంద్రప్రసాద్‌గారు కథ ఇవ్వడం. ఇవన్నీ చాలా గొప్ప విషయాలు.
ఈ అవార్డు రావడాన్ని ఇండియాలో ఎలా సెలబ్రేట్‌ చేసుకుంటున్నారు? అన్న ప్రశ్నకు బదులిస్తూ.. ఇండియాలో అన్ని కల్చర్లు వున్నాయి. హాలీవుడ్‌ను డామినేట్‌ చేసే స్థాయికివెళ్ళినందుకు ఆనందంగా వుంది. ఇక్కడ కల్చర్‌, సెంటిమెంట్‌తోపాటు మూలాల్లోకి వెళ్ళి కథను చెప్పడం విశేషం.
