సన్నజాజి తీగ వంటి నడుం కలిగిన హీరోయిన్ పూజా హెగ్డే. 'రంగస్థలం' చిత్రంలో ఈమె నటించిన ఐటమ్ సాంగ్‌కు ఫ్యాన్స్ ఫిదా అయిపోయారు. ఆ తర్వాత మహేష్ బాబుతో పాటు జూనియర్ ఎన్టీఆర్ చిత్రాల్లో నటించి మంచి ఫ్యాన్స్ ఫాలోయింగ్‌ను కొట్టేసింది. అయితే, ఇపుడు ఈమెపై అల్లు అర్జున్ మనసుపడ్డారు. పూజా హెగ్డేను ప్రేమించి పెళ్లి చేసుకోవాలని భావిస్తున్నాడు. అయితే, బన్నీకి పెళ్ళి అయి ఇద్దరు పిల్లలు ఉన్నారు కదా.. మళ్లీ పెళ్లి ఏంటి అనేదే కదా మీ సందేహం. అయితే, ఈ కథనం చదవాల్సిందే.
మాటల మాంత్రికుడు త్రివిక్రమ్ శ్రీనివాస్, స్టైలిష్ స్టార్ అల్లు అర్జున్ కాంబినేషన్‌లో ఓ చిత్రం తెరకెక్కిస్తున్నారు. ప్రస్తుతం ఈ చిత్రం షూటింగ్ శరవేగంగా సాగుతోంది. ఇందులో బన్నీ సరసన పూజా హెగ్డే నటిస్తుండగా, సుశాంత్, నివేదా పేతురాజ్‌లు కీలక పాత్ర పోషిస్తున్నారు.
అయితే, ఇపుడు ఈ చిత్రానికి సంబంధించిన స్టోరీ లైన్ ఒకటి సోషల్ మీడియాలో వైరల్ అవుతోంది. ఈ స్టోరీ లైన్ ఇపుడు ట్రోల్ అవుతోంది. "బన్నీ.. పూజా హెగ్డేను ప్రేమించి పెళ్లి చేసుకోవాలని భావిస్తాడు. అయితే, సుశాంత్‌కు పూజా హెగ్డే చెల్లెలు.
అలానే బన్నీ చెల్లెలు నివేదా. ఈమెను సుశాంత్ ప్రేమిస్తాడట. ఈ ప్రేమ జంటల మధ్య జరిగిన కథ ఏంటి? క్లైమాక్స్‌లో ఈ జంటలకు పెళ్లి అవుతుందా? అనేది మిగిలిన కథ. అయితే, ఈ చిత్రం స్టోరీ లైన్ లీక్ అంశంపై చిత్ర యూనిట్ స్పందించింది. అవన్నీ ఒట్టి పుకార్లేనని తెలిపింది.
