టాలీవుడ్ అందాల నటి సమంతకు ఈ ఏడాది బాగా కలిసొచ్చింది. ఈ సంవత్సరం హిట్ సినిమాలను తన ఖాతాలో వేసుకున్న సమంత.. తాజాగా అభిమన్యుడు సినిమాతో ప్రేక్షకుల ముందుకు రానుంది. విశాల్, సమంత కలిసి తమిళంలో నటించిన ''ఇరుంబు తిరై'' సినిమా హిట్ చిత్రంగా నిలిచింది.
మరోవైపు రంగస్థలం, మహానటి వరుస విజయాలతో ఖుషీఖుషీగా వున్న సమంత.. తన తదుపరి సినిమా అయిన ''యూ టర్న్'' షూటింగులో పాల్గొంటోంది. ఈ చిత్రం కన్నడలో భారీ విజయాన్ని అందుకున్న సినిమాకు రీమేక్. అదే పేరుతో పవన్ కుమార్ ఈ చిత్రాన్ని తెలుగులోకి రీమేక్ చేస్తున్నాడు.
