`మా ఎ.పి.`ని నూత‌నంగా నెల‌కొల్పాల‌ని తాజాగా కొంద‌రు చేస్తున్న వ్యాఖ్య‌ల ప‌ట్ల దిలీప్‌రాజా తీవ్ర అభ్యంత‌రం వ్య‌క్తం చేశారు. గుంటూరు జిల్లా తెనాలిలోని `మా ఎ.పి.` కార్యాల‌యంలో నేడు విలేక‌రుల స‌మావేశంలో మాట్లాడారు. రాష్ట్రం రెండుగా విడిపోయిన అనంత‌ర‌మే ఆంధ్ర‌ప్ర‌దేశ్‌లో `మా-ఎ.పి.` 24 విభాగాల యూనియ‌న్ నెల‌కొల్పిన‌ట్లు పేర్కొన్నారు. దీనికి ఎ.పి. కార్మిక‌శాఖ రిజిస్ట‌ర్ చేసి ఆమోదం పొందాం. సినీ న‌టి క‌విత అధ్య‌క్షురాలిగా, న‌ర‌సింహ‌రాజు ప్ర‌ధాన కార్య‌ద‌ర్శిగా అన్న‌పూర్ణ‌మ్మ కార్య‌ద‌ర్శిగా వున్నారు. ఈ యూనియ‌న్‌లో టీవీ, సినిమా రంగాల‌కు చెందిన 24 విభాగాల సాంకేతిక నిపుణులు, న‌టీన‌టులు 500 మంది స‌భ్యులుగా వున్నారు.
కాగా, మా మ‌ధ్య విభేదాలు, వివాదాలు పెట్టి `మా` ఎన్నిక‌ల్లో చిచ్చు పెట్ట‌డానికి కొంద‌రు చూస్తున్నార‌ని ఆయ‌న విమ‌ర్శించారు. అందుకే సినిమా పెద్ద‌లైన చిరంజీవి, మోహ‌న్‌బాబు, బాల‌కృష్ణ వంటి పెద్ద‌లు క‌లుగ జేసుకుని `మా` ఎన్నిక‌ల‌ను ఏక‌ప‌క్షంగా చేయ‌మ‌ని కోరుతున్న‌ట్లు ఆయ‌న పేర్కొన్నారు.
