తమిళ సినీ ఇండస్ట్రీకి చెందిన విజయకుమార్ తన కుమార్తెపై చెన్నై నగర పోలీసులకు ఫిర్యాదు చేశారు. తన ఇంటిని ఆక్రమించుకుని ఖాళీ చేయడం లేదంటూ కుమార్తె వనితపై చేసిన ఫిర్యాదులో పేర్కొన్నారు. పైగా, ఇల్లు ఖాళీ చేయాలంటూ అడిగితే రౌడీలతో బెదిరిస్తోందని ఆయన ఆరోపించారు.
తన తండ్రి విజయకుమార్ కిరాయి మనుషులతో తనపై దాడి చేయించాడని పోలీసులకు వనిత ఫిర్యాదు చేసింది. బలవంతంగా అర్థరాత్రి తనను ఇంట్లో నుంచి జట్టుపట్టుకుని గెంటేశారని వాపోయింది. భర్త వదిలేసిన కన్నకూతురని కూడా చూడకుండా అర్థరాత్రి ఇంటి నుంచి గెంటేశాడని వెల్లడించింది. సినిమా ఆర్టిస్టు కావడంతో తనకు ఎవ్వరూ ఇల్లు అద్దెకివ్వడం లేదని ఆవేదన వ్యక్తం చేసింది.
