పక్కా కమర్షియల్ సినిమాలకు, ఫ్యామిలీ సెంటిమెంట్ సినిమాలకు ఉండే ప్రధానమైన వ్యత్యాసం తొలివారం వసూళ్లే. టాక్‌తో సంబంధం లేకుండా తొలివారం కమర్షియల్ సినిమాలు భారీ ఓపెనింగ్స్‌ను సాధిస్తే.. మౌత్ టాక్‌తో రోజురోజుకు పుంజుకునే ఫ్యామిలీ సినిమాలు లాంగ్ రన్‌లో విజయవంతమైన మూవీలుగా నిలుస్తున్నాయి.
విడుదలకు ముందే కమర్షియల్ సక్సెస్‌ను అందుకున్న విజయ్ ఆంటోనీ, ఇప్పుడు కంటెంట్‌‍పరంగా తనదైన మార్క్‌ను ఇంద్రసేనతో మరోసారి చాటుకున్నాడు. ఇటు తెలుగు అటు తమిళంలో వరుస కమర్షియల్ సక్సెస్‌లను సాధిస్తూ, త్వరలోనే తనకు బ్లాక్‌బస్టర్ హిట్‌ను అందించిన 'బిచ్చగాడు', 'ఇంద్రసేన' తరహాలోనే మరొక విభిన్నమైన కథాశంతో విజయ్ ఆంటోనీ ఆడియన్స్ ముందుకు రానున్నాడు.
విజయ్ ఆంటోనీ, డైనా చంపిక, మహిమా, జ్వెల్ మారీ, రాధారవి, కాళీ వెంకట్, నళినీకాంత్, సింధు రవి తదితరులు నటించిన ఈ చిత్రానికి మాటలు - సాహిత్యం: భాష్యశ్రీ, ఆర్ట్ : ఆనంద్ మణి, సంగీతం - కూర్పు: విజయ్ ఆంటోనీ, సినిమాటోగ్రఫీ : కె.దిల్ రాజ్, లైన్ ప్రొడ్యూసర్: శాండ్రా జాన్సన్, నిర్మాతలు:నీలం కృష్ణారెడ్డి, రాధికా శరత్ కుమార్, ఫాతిమా విజయ్ ఆంటోనీ, దర్శకత్వం: జి.శ్రీనివాసన్.
