తనకు కాబోయే భార్య జీవితం గురించి ఓ బయోపిక్ మూవీని తీస్తానని కోలీవుడ్ హీరో విష్ణు విశాల్ తెలిపారు. ఇదే అంశంపై ఆయన మాట్లాడుతూ, హైదరాబాద్ ఏస్ బ్యాడ్మింటన్ క్రీడాకారిణి, వివాదాస్పద గుత్తా జ్వాలా జీవిత చరిత్రను ఆధారంగా చేసుకుని బయోపిక్ మూవీని తెరకెక్కించనున్నట్టు తెలిపారు.
ఈ ఏడాది తాను నటించిన 4 చిత్రాలు వరుసగా విడుదల కానున్నాయని తెలిపారు. అందులో తాను సొంతంగా నిర్మించి, కథానాయకుడిగా నటిస్తున్న "ఎఫ్‌ఐఆర్", "మోహన్‌ దాస్‌" చిత్రాలు కూడా ఉన్నాయని చెప్పారు.
అందువల్ల తాను, జ్వాలా ఒకరికొకరం అర్థం చేసుకుని గౌరవించుకుని చేసుకుంటున్న పెళ్లి ఇది అని చెప్పారు. ఆమె తన గురించి పలు అనుభవాలను తనతో పంచుకున్నారని, ఆమె బయోపిక్‌ను చిత్రంగా నిర్మించాలని ఆలోచన తనకు ఉందన్నారు. 'కాడన్‌' చిత్రంలో నటించడం మంచి అనుభవాన్ని ఇచ్చిందని తెలిపారు. ఈ చిత్ర దర్శకుడు ప్రభు సాల్మాన్‌తో కలిసి పని చేయడం సరికొత్తగా ఉందన్నారు.
