సమంత మీరెప్పుడు తల్లికాబోతున్నారనే ప్రశ్నకు సమంత సమాధానమిస్తూ.. 2022 సంవత్సరం, ఆగస్టు 7వ తేదీ, ఉదయం 7 గంటలకు ఓ పాపకు జన్మనిస్తానని చెప్పింది. అంతేకాకుండా ఆ వీడియోను కూడా సమంత సోషల్ మీడియాలో షేర్ చేసింది. ఈ వీడియో ప్రస్తుతం నెట్టింట వైరల్ అవుతోంది.
కాగా, సమంత అక్కినేని తెలుగులో 'ఏమాయ చేశావే' సినిమాతో పరిచయమై కుర్రకారుని తనదైన మాయలో పడేసింది. ఆ సినిమాలో నాగచైతన్య సరసన నటించిన సమంత అతన్నే ప్రేమించి పెళ్లిచేసుకుని తెలుగింటి కోడలైంది. పెళ్లికి ముందు తర్వాత హీరోయిన్‌గా సమంత ఓ వెలుగు వెలుగుతోంది. ఈ ఏడాది భర్త నాగ చైతన్యతో కలిసి చేసిన ‘మజిలీ’ ఆ తర్వాత సోలో లీడ్‌గా వచ్చిన కొరియన్ రీమేక్‌ ‘ఓ బేబి’ కూడా బాక్సాఫీస్ దగ్గర మంచి కలెక్షన్స్‌ను రాబట్టి అదరగొట్టింది.
