యంగ్ టైగర్ జూ.ఎన్టీఆర్ హీరోగా తెరకెక్కుతున్న భారీ చిత్రం జై లవ కుశ. 'పవర్', 'సర్థార్ గబ్బర్ సింగ్' వంటి చిత్రాల దర్శకుడు బాబీ దర్శకత్వంలో తెరకెక్కుతున్న ఈ సినిమాను హీరో కళ్యాణ్ రామ్, ఎన్టీఆర్ ఆర్ట్స్ బ్యానర్‌పై భారీ బడ్జెట్‌తో నిర్మిస్తున్నాడు. ఇప్పటికే మేజర్ పార్ట్ షూటింగ్ పూర్తి చేసుకున్న ఈ సినిమా ప్రస్తుతం హైదరాబాద్‌లో వేసిన సెట్స్ షూటింగ్ జరుపుకుంటోంది.
ఇప్పటికే రిలీజ్ అయిన జై టీజర్‌కు సూపర్ రెస్పాన్స్ రావటంతో వినాయక చవితి సందర్భంగా ఈ 24న లవ టీజర్‌ను విడుదల చేశారు. అంతేకాదు నెలాఖరుకల్లా కుశ టీజర్‌ను కూడా రిలీజ్ చేసి ఆడియో రిలీజ్‌కు రెడీ అయ్యే ప్లాన్ చేస్తున్నారు. సెప్టెంబర్ 21న రిలీజ్ చేయాలని భావిస్తున్న ఈ సినిమా ఆడియో వేడుకను సెప్టెంబర్ 3న హైదరాబాద్‌లో భారీగా నిర్వహించేందుకు ఏర్పాట్లు చేస్తున్నారు. అదే రోజు థియేట్రికల్ ట్రైలర్ ను కూడా రిలీజ్ చేయనున్నారు. ఎన్టీఆర్ సరసన నివేదా థామస్, రాశీఖన్నాలు హీరోయిన్లు గా నటిస్తున్నారు.
అయితే, ఈ చిత్రంలో జూ.ఎన్టీఆర్ త్రిపాత్రాభినయం చేస్తున్నారు. 'జై' పాత్రకి సంబంధించిన ఫస్టు లుక్ .. ఫస్టు టీజర్ వచ్చేశాయి. ఈ రెండూ కూడా ఎన్టీఆర్ అభిమానులను ఎంతగానో ఆకట్టుకున్నాయి. ఇక టీజర్ విషయానికొస్తే వ్యూస్ పరంగా కొత్త రికార్డులను సృష్టించింది. దాంతో ఇటీవలే 'లవ' పాత్రకి సంబంధించిన ఫస్టు లుక్‌ను వదిలిన టీమ్, ఆ తర్వాత టీజర్‌ను రిలీజ్ చేసింది.
