అమెరికా 46వ అధ్యక్షుడుగా జో బైడెన్ ఈ నెల 20వ తేదీన ప్రమాణ స్వీకారం చేయనున్నారు. ఈ ప్రమాణ స్వీకారానికి ముహూర్తం సమీపిస్తున్న కొద్ది అమెరికలో సందడి వాతావరణం కనిపిస్తోంది. ఈ నేపథ్యంలో అమెరికాలోని ప్రవాస భారతీయులు నూతన అగ్రరాజ్య పాలకులకు వినూత్నంగా స్వాగతం పలుకుతున్నారు. టైల్స్పై అందమైన రంగవల్లికలు వేసి శుభాకాంక్షలు చెబుతున్నారు. వాటిని వాషింగ్టన్కు పంపుతున్నారు.
స్వాగతానికి, సానుకూలతకు ప్రతిబింబాలైన భారతీయ ముగ్గులు ప్రస్తుతం అమెరికాలో అందరినీ ఆకట్టుకుంటున్నాయి. ఈనెల 20న నూతన అధ్యక్ష, ఉపాధ్యక్షులు జో బైడెన్, కమలా హారిస్ ప్రమాణ స్వీకారోత్సవాన్ని పురస్కరించుకొని వందలాది భారతీయ అమెరికన్లు ముగ్గులతో వారికి స్వాగతం పలుకుతున్నారు.
శనివారం నాటికే వేలాది ముగ్గులు పూర్తి చేసి వాటిని వర్చువల్గా ప్రదర్శించారు. కాలిఫోర్నియా, బోస్టన్, న్యూజెర్సీతో పాటు చాలా ప్రాంతాల నుంచి వాషింగ్టన్కు చేరుకుంటున్నాయి. ముగ్గుల ప్రదర్శనకు తొలుత వాషింగ్టన్ డీసీ పోలీసులు సైతం అనుమతి ఇచ్చారు. అయితే ట్రంప్ మద్దతుదారుల దాడుల భయంతో ప్రస్తుతం అక్కడ భారీ భద్రతా ఏర్పాట్లు చేస్తుండగా.. అనుమతి రద్దు చేశారు.
