వివరాల్లోకి వెళ్తే.. గుజరాత్ రాష్ట్రంలోని సూరత్‌కు చెందిన విద్యాకుంజ్-విద్యాపీఠ్ గ్రూప్ విద్యకు దూరంగా ఉంటూ ఎక్కడో మురికివాడలు, ఫుట్పాత్‌లలో నివసించే పేద పిల్లలకు విద్యనందించే సంకల్పంతో బ్రహ్మాండమైన వసతులతో మొబైల్ స్కూల్‌ను ఏర్పాటుచేసింది. బస్సులోనే బెంచీలు, టీవీ, ఇంటర్నెట్, ఫ్యాన్, లైట్లు వంటి అత్యాధునిక వసతులు కల్పించింది.
ఫుట్‌పాత్‌లపై నివసించేవారితో సహా పిల్లలందరికీ విద్య అవసరమని తమ ఆశయమని ఆ సంస్థ ప్రతినిధి ఒకరు తెలిపారు. చదువుతోనే పిల్లల భవిష్యత్తు మెరుగుపడుతుందన్నారు. ఈ మొబైల్ స్కూల్ ద్వారా బస్సులో సాధ్యమయ్యే ప్రతి సౌకర్యాన్నీ అందించేందుకు తాము ప్రయత్నించినట్టు చెప్పారు. ప్రస్తుతం ఈ బస్సులో 32 మంది పిల్లలు ఉన్నారని.. ఈ సంఖ్య పెరిగితే మాత్రం మూడు గంటలు చొప్పున రెండు బ్యాచ్లుగా తరగతులు నిర్వహించనున్నట్టు వివరించారు.
