కర్ణాటకలో కాంగ్రెస్-జేడీ(ఎస్‌) సంకీర్ణానికి రోజుకో చిక్కువచ్చిపడుతోంది. మంత్రి పదవులు రాలేదంటూ అనేకమంది సీనియర్లు మండిపడుతుండగా... పదవులు దక్కినవారేమో తమకు మంచి శాఖలు కేటాయించలేదంటూ భగ్గుమంటున్నారు. మంత్రులకు శనివారం శాఖలు కేటాయించారు. సీఎం కుమారస్వామి ఆర్థిక, విద్యుత్‌ సహా 11 శాఖలు అట్టిపెట్టుకున్నారు.
విద్యుత్‌ శాఖ కోసం పట్టుబట్టిన డి.కె.శివకుమార్‌కు భారీ, మధ్య తరహా నీటిపారుదల, వైద్య విద్య శాఖలు దక్కాయి. విద్యుత్‌తో పాటు ప్రజాపనుల శాఖ కావాలని కుమారస్వామి అన్న హెచ్‌డీ రేవణ్ణ భీష్మించుకోగా.. చివరకు ప్రజాపనులను మాత్రమే ఆయనకు అప్పగించారు. జేడీఎస్‌ నుంచి వచ్చిన ఖాన్‌కు రెండు కీలక శాఖలు కట్టబెట్టడంపై కాంగ్రెస్ మంత్రులు గుర్రుగా ఉన్నారు. సిద్ధరామయ్యను చాముండేశ్వరిలో ఓడించిన జీటీ దేవెగౌడ చదువుకున్నది 8వ తరగతి మాత్రమే.
ఉపముఖ్యమంత్రి జి.పరమేశ్వరకు కీలకమైన హోంతో పాటు బెంగళూరు అభివృద్ధి శాఖ, యువజన సర్వీసుల శాఖను కట్టబెట్టారు. ఆయనకు హోం మాత్రమే ఉంచి మిగిలినవి తమకు పంచాలని మంత్రిపదవులు దక్కని వారు డిమాండ్‌ చేస్తున్నారు. ఇక విద్యుత్‌ శాఖ కోసం పట్టుబట్టిన డి.కె.శివకుమార్‌కు భారీ, మధ్య తరహా నీటిపారుదల, వైద్య విద్య శాఖలు దక్కాయి.
