తమిళ సూపర్ స్టార్ రజినీకాంత్ నటించిన తాజా సినిమా పేట్టా. కార్తీక్ సుబ్బరాజ్ డైరెక్ట్ చేసిన ఈ మూవీని వచ్చే సంక్రాంతికి రిలీజ్ చేస్తున్నారు. ఈ మూవీలో తలైవా సరసన సిమ్రాన్, త్రిష కథానాయికలుగా నటించారు. తాజాగా ఈ మూవీ నుంచి విడుదలైన పోస్టర్స్ సోషల్ మీడియాలో వైరల్ అవుతున్నాయి. ఇప్పటికే యూట్యూబ్‌లో విడుదలైన పాటలకు భారీ వ్యూస్ వస్తున్నాయి.
అంతేగాకుండా హీరోయిన్స్ సిమ్రాన్, త్రిషల లుక్స్ బాగున్నాయి. ఇంకా రజనీకాంత్, విజయ్ సేతుపతి లుక్స్ కూడా ఆకట్టుకుంటున్నాయి. నవాజ్ సిద్ధీఖీ రోల్ ఈ సినిమాకు కీలకం. పేట్టాలో ఆయన లుక్ ఇప్పటికే విడుదలైంది.
ఇక సోషల్ మీడియాలో పేట్టా గురించి వస్తున్న కామెంట్స్‌ను పరిశీలిస్తే.. పేట్టాకు సోషల్ మీడియా మంచి స్థానమే వుంది. ఈ సినిమా లుక్స్, పాటలకు భారీ వ్యూస్, షేర్స్, లైక్స్ వస్తున్నాయి. మాస్ మరణ సాంగ్ యూత్‌ను, రజనీకాంత్ ఫ్యాన్సును బాగా ఆకట్టుకుంటోంది. పేట్టా ఆడియో ఫంక్షన్స్‌కు సంబంధించిన వీడియోలు నెట్టింట వైరల్ అవుతున్నాయి. ఇందులో విజయ్ సేతుపతి విలన్‌గా నటిస్తున్నాడు.
