భార్యకు తెలియకుండా రెండు టమోటాలు వాడాడు.. భర్త పరిస్థితి ఏమైందంటే?

టమోటా ధరలు సామాన్యులకు చుక్కలు చూపిస్తోంది. టమోటాలు కొనాలంటే జేబులకు చిల్లులు పడుతున్నాయి. ఇక టమోటా ధరలకు సామాన్యులు తలపట్టుకుని కూర్చుంటే.. ఈ టమోటా ధరలతో ఓ కుటుంబం విడిపోయింది. భార్యకు తెలియకుండా వంటలో రెండు టమాటాలు వాడిన ఓ వ్యక్తి కాపురం కూలిపోయింది. 

భర్తపై మండిపడ్డ ఆ ఇల్లాలు తన పిల్లల్ని తీసుకుని ఇంట్లోంచి వెళ్లిపోయింది. మధ్యప్రదేశ్‌లోని షాడోల్ జిల్లాలో తాజాగా ఈ ఘటన వెలుగు చూసింది. వివరాల్లోకి వెళితే.. సంజీవ్ బర్మన్ అనే వ్యక్తి ఓ టిఫిన్ సెంటర్ నడుపుతున్నాడు. అతనికి భార్య పిల్లలు వున్నారు. 

ఇటీవల భార్యకు తెలియకుండా వంటలో రెండు టమోటాలు ఎక్కువ వాడేశాడు. అంతే భార్యకు ఈ విషయం తెలిసిపోయింది. ఆమె కోపంతో ఊగిపోయింది. అంతే ఇద్దరి మధ్య వాగ్వాదం తారాస్థాయికి చేరుకుంది. ఈ క్రమంలో ఆమె తన పిల్లల్ని తీసుకుని ఇంట్లోంచి వెళ్లిపోయింది. 

భార్య కోసం చుట్టుపక్కల వెతికినా ఉపయోగం లేకపోవడంతో సంజీవ్ చివరకు పోలీసులను ఆశ్రయించాడు. ఈ ఘటనపై కేసు నమోదు చేసుకున్న పోలీసులు దర్యాప్తు జరుపుతున్నారు.