మహిళలపై వేధింపులు పెరిగిపోతున్నాయి. అత్యాచారాలు, దురాగతాలు, వేధింపులు అధికమవుతున్నాయి. తాజాగా సోషల్ మీడియాలో ఒక మహిళా వెయిటర్‌కు ఎదురైన వేధింపులకు సంబంధించిన వీడియో వైరల్‌గా మారింది. ఈ ఘటన విదేశాల్లో ఎక్కడ చోటుచేసుకుందో తెలియరాలేదు కానీ.. మహిళా వెయిటర్‌పై ఓ రెస్టారెంట్‌కు వెళ్లిన వ్యక్తి వేధించాడు. దారుణం ఏంటంటే ఈ ఘటన జరిగిన సమయంలో ఆ వ్యక్తి భార్యాపిల్లలు అక్కడే ఉన్నారు.
వివరాల్లోకి వెళితే.. ఒక ఓపెన్ రెస్టారెంట్‌లోకి వచ్చిన ఒక వ్యక్తి అక్కడున్న మహిళా వెయిటర్‌ను వెనక తాకాడు. దీంతో ఆమె అతనికి తగిన బుద్ధిచెప్పింది. ఈ వీడియోలో ఉన్న కంటెంట్ ప్రకారం ఒక మహిళా వెయిటర్ తన పనిలో మునిగివుండగా, వెనుకనుంచి వచ్చిన ఒక వ్యక్తి ఆమెను అసభ్యంగా తాకాడు. దీంతో ఆమె వెంటనే అతని కాలర్ పట్టుకుని పక్కకు నెట్టి గట్టిగా వార్నింగ్ ఇచ్చింది.
