ఆ ప్రదేశంలో పార్టీ కార్యకర్తలు, మద్దతుదారులు పెద్ద సంఖ్యలో గుమిగూడి ఉండటంతో, ఆ చిన్నారి జగన్‌ను కలిసే అవకాశం చేజారిపోతుందని కన్నీళ్లు పెట్టుకుంది. ఇది గమనించిన మాజీ ముఖ్యమంత్రి తన కాన్వాయ్‌ని ఆపి, ఆ అమ్మాయిని తన దగ్గరగా తీసుకొని, ఆమె నుదిటిపై ఆప్యాయంగా ముద్దు పెట్టుకున్నారు. ఆపై ఆ బాలికతో కలిసి సెల్ఫీ కూడా తీసుకున్నారు. దీంతో ఆ బాలిక సంతోషానికి అవధుల్లేకుండా పోయాయి. ఈ వీడియో సోషల్ మీడియాలో వైరల్‌గా మారింది.
ఈ పర్యటన సందర్భంగా, వైఎస్ జగన్ మోహన్ రెడ్డి వల్లభనేని వంశీని జైలులో కలిశారు. ఇది దాదాపు అరగంట పాటు కొనసాగింది. వంశీ భార్య పంకజ శ్రీ కూడా ఈ సందర్భంగా జగన్ వెంట వున్నారు. గన్నవరంలోని తెలుగుదేశం పార్టీ (టిడిపి) కార్యాలయంపై దాడికి సంబంధించిన కేసులో ఫిర్యాదుదారుడైన సత్వవర్ధన్‌ను కిడ్నాప్ చేసి బెదిరించారనే ఆరోపణల నేపథ్యంలో వల్లభనేని వంశీ జైలుకు వెళ్లడం గమనార్హం.
