క్యాప్సికమ్ పులావ్ ఎలా చేయాలో చూద్దాం...

గురువారం, 6 సెప్టెంబరు 2018 (13:23 IST)
కావలసిన పదార్థాలు: 
బియ్యం - ఒకటిన్నర కప్పు 
క్యాప్సికం - 1 
నూనె - 3 స్పూన్స్ 
టమోటా - 1 
ఉల్లిపాయ తరుగు - అరకప్పు 
పచ్చిమిర్చి - 4 
అల్లం వెల్లుల్లి పేస్ట్ - 1 స్పూన్ 
ధనియాల పొడి - 1 స్పూన్ 
పసుపు - చిటికెడు 
ఉప్పు - తగినంత 
కారం - 1 స్పూన్ 
పనీర్‌ క్యూబ్స్‌ - 1 కప్పు 
కొత్తిమీర - కొద్దిగా 
లవంగాలు - 4 
యాలకులు - 4 
దాల్చిన చెక్క - అంగుళం ముక్క 
షాజీరా - 1 స్పూన్
 
తయారీ విధానం: 
ముందుగా బియ్యం కడిగి పొడి పొడిగా వుండేట్లు అన్నం ఉడికించుకోవాలి. బాణలిలో నూనెను పోసి వేడయ్యాక మసాల దినుసులు, ఉల్లి తరుగు, పచ్చిమిర్చి, అల్లం వెల్లుల్లి పేస్ట్ వేసుకుని బాగా వేయించుకోవాలి. ఇప్పుడు ఆ మిశ్రమంలో కారం, ఉప్పు, పసుపు, ధనియాల పొడి కూడా వేసి వేగించి టమోటా, పనీర్‌ ముక్కలు వేసి మూతపెట్టుకోవాలి. 5 నిమిషాల తరువాత క్యాప్సికం ముక్కలు కలపాలి. క్యాప్సికం రంగు మారకుండానే అన్నం కలుపుకుని కాసేపు ఉడికించుకోవాలి. చివరగా కొత్తిమీరతో అలంకరించాలి. అంతే... వేడివేడి క్యాప్సికమ్ రైస్ రెడీ. 

వెబ్దునియా పై చదవండి

సంబంధిత వార్తలు