వంటింట్లో అప్పుడప్పుడు చేతులు కాల్చుకోవడం, గాయాలు చేసుకోవడం సహజమే. పెనమో, వేడి గిన్నో చేయికి తగిలి చురుక్కుమనడం మనకు అనుభవమే. అలాంటి గాయాల నుండి ఉపశమనం కలిగించేందుకు కొన్ని చిట్కాలు మీ కోసం.
కాఫీ చల్లారిన తరువాత కాలిన గాయాలపై పెడితే మంట తగ్గుతుంది. కాలినగాయంపై నువ్వుల నూనెను రాయడం వలన కూడా ఉపశమనం లభిస్తుంది. నిమ్మతొక్కలను పేస్ట్‌లా తయారుచేసుకుని గాయాలపై రాసుకుంటే కూడా చాలు. తులసి ఆకులను కాలిన గాయాలపై ఉంచడం ద్వారా కూడా ఉపశమనం పొందవచ్చును. అలాగే కాలిన గాయంపై వెంటనే పసుపు జల్లడం వలన గాయం త్వరగా మానుతుంది.
