ఆ తర్వాత విజేత నిఖిల్ మాట్లాడుతూ, "అందరికీ ధన్యవాదాలు. హౌస్‌మేట్స్‌తో అద్భుతమైన జర్నీ కొనసాగింది. చాలా మంది నాకు ప్రత్యక్షంగా పరోక్షంగా అండగా నిలిచారు. ప్రతి ఒక్కరి నుంచి ఏదో ఒకటి నేర్చుకున్నా. నేను మీ అందరిలో ఒకడిని. నన్ను ప్రేమించి, ప్రోత్సహించిన ప్రేక్షకులకు ధన్యవాదాలు. నేను బయట వ్యక్తి కాదు, మీ ఇంటి వాడినని నన్ను గెలిచిపించినందుకు థ్యాంక్యూ. మీరిచ్చిన ప్రోత్సాహంతోనే ఇండస్ట్రీలో కొనసాగుతా. ఈ ట్రోఫీ అమ్మకు అంకితం చేస్తున్నా" అని విజేత నిఖిల్ చెప్పుకొచ్చాడు.
ముఖ్య అతిథిగా విచ్చేసిన రామ్ చరణ్ మాట్లాడుతూ, "105 రోజుల పాటు హౌస్ కొనసాగడం మామూలు విషయం కాదు. ఒక 10 రోజుల సినిమా షూటింగ్ కోసం ఎక్కడికైనా వెళ్తే, ఇంట్లో వాళ్లను గుర్తు చేసుకుంటూ ఉంటాం. మీ జర్నీ చూస్తుంటే, నా కూతురు గుర్తుకొచ్చి ఇంటికి వెళ్లిపోవాలనిపించింది. ధైర్యంగా ఇక్కడ ఉన్నారంటే మీరంతా విజేతలే. నిఖిల్ భవిష్యత్‌లో మరింత రాణించాలని కోరుకుంటున్నా" అని అన్నారు.
