ఓపెనర్‌ మయాంక్‌ అగర్వాల్‌ (1), కెప్టెన్‌ విరాట్‌ కోహ్లీ (9) తక్కువ పరుగులకే పెవిలియన్ చేరారు. కైల్ జెమీసన్‌ బౌలింగ్‌లో మయాంక్‌ బోల్డ్ కాగా.. బెనెట్‌ బౌలింగ్‌లో జేమీసన్‌కు క్యాచ్‌ ఇచ్చి విరాట్‌ వెనుదిరిగాడు. దీంతో 32 పరుగులకే రెండు వికెట్లు కోల్పోయి టీమిండియా కష్టాల్లో పడింది.
భారత్‌ మూడు కీలక వికెట్లు కోల్పోవడంతో ఓపికగా క్రీజులో పాతుకుపోయిన అయ్యర్ ఇన్నింగ్స్‌ను చక్కదిద్దాడు. కేఎల్‌ రాహుల్ సాయంతో అయ్యర్ స్కోరు బోర్డును పరుగు పెట్టించాడు. ఈ క్రమంలోనే వన్డే కెరీర్‌లో ఎనిమిదవ అర్థ సెంచరీని నమోదు చేసుకున్నాడు. కానీ అయ్యర్ ధాటిగా ఆడటంతో అవుటై పెవిలియన్ చేరాడు. తర్వాతి ఓవర్లోనే రాహుల్ హాఫ్ సెంచరీ చేశాడు. అతనికి మనీష్ పాండే చక్కటి సహకారం అందించాడు.
జట్టుకు అండగా నిలుస్తూ నిలకడగా ఆడిన రాహుల్ అద్భుత ఇన్నింగ్స్‌తో అదరగొట్టాడు. ఈ క్రమంలో సెంచరీతో అదరగొట్టాడు. 104 బంతుల్లో 9 ఫోర్లు, ఒక సిక్సర్ కొట్టిన రాహుల్ సెంచరీ పూర్తి చేసుకున్నాడు. ఈ సెంచరీతో రాహుల్ ఓ రికార్డును నమోదు చేశాడు.
