విజయ్ కుమార్ అనే వ్యక్తి తనను ట్రాప్ చేసాడనీ, గతంలో అతడితో దిగిన ఫోటోలను చూపిస్తూ బ్లాక్ మెయిల్ చేసి డబ్బులు గుంజాడని బాధితురాలు ఆవేదన వ్యక్తం చేస్తోంది. అతడు మోసగాడు అని తెలియడంతో దూరం పెట్టిన దగ్గర్నుంచి కాలేజీకి వెళ్లే దారిలో తనపై దాడికి ప్రయత్నిస్తున్నాడనీ, తనను ప్రేమించకపోతే ఎయిడ్స్ ఇంజెక్షన్ వేస్తానంటూ బెదిరిస్తున్నాడని ఆమె కన్నీరు పెట్టుకుంది.
అసలు నిజాలు చెబితే... తన తల్లిదండ్రులను చంపేస్తానంటూ బెదిరిస్తున్నాడని వాపోయింది. ప్రస్తుతం తను తన తల్లిదండ్రులు లేకుండా బయటకు వెళ్లాలంటే భయం వేస్తుందనీ, తనలా మరో ముగ్గురు యువతులను అతడు మోసం చేసాడని పోలీసులకు తెలిపింది బాధితురాలు. కేసు నమోదు చేసుకున్న పోలీసులు దర్యాప్తు చేపట్టారు.
