సూపుల్లో గోంగూర ఆకులు వేసుకుని తీసుకుంటే.. జీర్ణవ్యవస్థ పనితీరు మెరుగుపడుతుంది. నీరసంగా ఉన్నప్పుడు కూర, పచ్చడి రూపంలో తీసుకోవడం వల్ల తక్షణ శక్తి అందుతుంది. రోగనిరోధక శక్తి లోపించినవారు గోంగూరకు ఎంత ప్రాధాన్యమిస్తే అంత మంచిది. దీనిలో ఎక్కువ మెుత్తంలో సి విటమిన్ లభిస్తుంది. గోంగూరను ఆహారంలో చేర్చుకుంటే టాక్సిన్లు తొలగిపోతాయి.
అదేవిధంగా గోంగూరలో విటమిన్ ఎ అధికంగా ఉంటుంది. బీటా కెరొటిన్లు కూడా శరీరానికి అందుతాయి. ఇవి కంటిచూపుని మెరుగుపరచడానికీ, రేచీకటి వంటి సమస్యల్ని తగ్గించడానికి ఉపయోగపడతాయి. గోంగూరలో ఇనుము అధికంగా ఉన్నందువలన దీనిని తీసుకుంటే ఎర్ర రక్తకణాలు వృద్ధి చెందుతాయని ఆయుర్వేద నిపుణులు సూచిస్తున్నారు.
