గోరింటాకును మహిళలు తమ అరచేతుల్లో పెట్టుకుంటారు. అరచేతి మధ్యలో స్త్రీ గర్భాశయానికి రక్తం చేరవేసే ప్రధాన నాడులుంటాయని చెబుతారు. వాటిలోని అతి ఉష్ణాన్ని లాగేస్తుంది గోరింటాకు. అలాగే సౌందర్య సాధనంగా ఉపయోగిస్తారు. నువ్వుల నూనెలో గోరింటాకు వేసి మరిగించి తలకు రాసుకుంటే తలనొప్పి, వెంట్రుకలు తెల్లబడటం తగ్గుతుంది. ఈ గోరింటను చేతులకు, కాళ్లకు పెట్టుకోవడం వల్ల కలిగే ఆరోగ్య ప్రయోజనాలు ఏమిటో తెలుసుకుందాము.
గోరింటను అరచేతులకు, పాదాలకు అప్లై చేయడం వల్ల శరీరంలో వేడి తగ్గుతుంది.
సీజనల్ వ్యాధులు వచ్చే అవకాశాన్ని గోరింట నిరోధిస్తుంది.
గోరింట ఆకులను గ్రైండ్ చేసి చేతులపై ఉంచుకుంటే చేతులపై గరుకుతనం పోతుంది.
గోళ్లపై గోరింటాకు రాయడం వల్ల గోళ్లు ఆరోగ్యంగా వుంటాయి.
హెన్నా పేస్టును తలనొప్పిగా ఉన్నప్పుడు నుదుటిపై రాసుకుంటే తగ్గుతుంది.
గోరింట పువ్వును గుడ్డలో చుట్టి తలపై పెట్టుకుంటే మంచి నిద్ర పడుతుంది.
