ఆఫ్రికా దేశంలోని కెన్యాలో గత 2014వ సంవత్సరం.. బస్సులో ఓ యువతి ప్రయాణిస్తుండగా, అదే బస్సులో ప్రయాణించిన ముగ్గురు యువకులు అభ్యంతరకర రీతిలో ప్రవర్తించారు. ఇలా గ్లామర్‌గా దుస్తులు ధరిస్తే నిన్ను చూసే పురుషులకు అత్యాచారం చేయాలనే ఆలోచనే వస్తుందని.. అభ్యంతరకర రీతిలో దూషించారు.
ఇంకా ఆమె దుస్తులను చించేశారు. దీంతో అవమానానికి గురైన మహిళ పోలీసులకు ఫిర్యాదు చేసింది. ఈ వ్యవహారంపై మహిళా సంఘాలు మండిపడ్డాయి. యువకులకు కఠిన శిక్ష విధించాలని డిమాండ్ చేశాయి. ఈ కేసుపై మూడేళ్ల పాటు విచారణ జరిగింది. ఈ నేపథ్యంలో కెన్యా కోర్టు ముగ్గురు యువకులకు మరణ శిక్ష విధించింది. యువతిని బట్టలు చించి అవమానించిన నేరానికి కెన్యాలో మరణ శిక్ష పడటం ఇదే తొలిసారి.
