అమెరికా కంపెనీల్లో పని చేస్తున్న విదేశీయులపై ఆయన స్పందిస్తూ విదేశాల నుంచి వచ్చి ఇక్కడ ఉద్యోగాల్లో ఉన్న వారిని పంపించి వేయడం ద్వారా ఆ ఉద్యోగాలన్నింటినీ అమెరికన్లకు ఇప్పిస్తానని, దాంతో నిరుద్యోగ సమస్య అన్న మాట వినపడకుండా పోతుందన్నారు.
గత పాలకుల ఇమిగ్రేషన్ విధానం అత్యంత లోపభూయిష్టమని, అందువల్లే కొత్త పాలసీని తీసుకు వస్తున్నామన్నారు. అత్యున్నత నైపుణ్యతతో ఉండి, నిబంధనలన్నీ పాటించే కొద్దిమందికి మాత్రమే వీసాలను మంజూరు చేస్తామని, అడ్డగోలుగా అమెరికాకు వచ్చి పాతుకు పోయే వారిని అడ్డుకుని తీరుతామని హెచ్చరించారు.
బరాక్ ఒబామా హయాంలో దేశంలో ఉగ్రవాదుల సంఖ్య పెరిగిపోయారన్నారు. తాను ఉగ్రవాదాన్ని అణడమే లక్ష్యంగా పెట్టుకున్నట్టు తెలిపారు. మధ్య తరగతి ప్రజలకు పన్ను రాయితీలు ఇవ్వనున్నామని, పౌరులందరికీ ఉపయోగపడేలా కొత్త ఆరోగ్య విధానాన్ని అమలు చేస్తామని అన్నారు.
