తాజాగా ఆయన హవాయి రాష్ట్రంలోని కనైలి ప్రాంతంలో ఉన్న ఓ గోల్ఫ్ కోర్సుకు వెళ్లిన వేళ, తీసిన వీడియో ఒకటి ఇప్పుడు వైరల్ అవుతోంది. ఓ తల్లి, తన బిడ్డను ఆడిస్తూ ఆయన కంటపడింది. అంతే.. నేరుగా ఆమె వద్దకు వెళ్లిన ఒబామా... ఆ పాపను ఎత్తుకున్నాడు. ఎవరీ పాప? అంటూ అడిగారు. పాపాయి వయసెంతని అడుగగా, ఆ తల్లి మూడు నెలలని బదులిచ్చింది.
ఒబామా హాయ్ చెప్పగా, పాప తల్లి... 'హాయ్ చెప్పు' అంటుండగా, ఆ చిన్నారి చెయ్యి పైకి లేచింది. వెంటనే ఒబామా, "ఆమె చేతులు ఊపుతోంది" అంటూ, "నేను నీకు పాలివ్వలేను" (ఐ కాంట్ ఫీడ్ యూ బేబీ) అని జోకేశారు.
