యూఏఈ వేదికగా ఇండియన్ ప్రీమియర్ లీగ్ 13వ సీజన్ పోటీలు జరుగనున్నాయి. ఈ పోటీల్లో పాల్గొంటున్న ఫ్రాంచైజీ జట్లలో సన్ రైజర్స్ హైదరాబాద్ జట్టు ఒకటి. ఈ జట్టులోని కీలక బౌలర్లలో భువనేశ్వర్ కుమార్ ఒకరు. అయితే, భువనేశ్వర్‌కు మరోమారు దురదృష్టం వెంటాడింది. ఫలితంగా ఈ బౌలర్ ఐపీఎల్ టోర్నీ మొత్తానికి దూరమయ్యాడు.
గాయంతో ఐపీఎల్ సీజన్ మొత్తానికి భువనేశ్వర్ కుమార్ దూరమయ్యాడని, అతను త్వరగా కోలుకోవాలని ఆకాంక్షిస్తున్నామని అందులో పేర్కొంది. అదేసమయంలో ఈ సీజన్‌లో మిగతా మ్యాచ్‌లలో భువీ స్థానాన్ని పృథ్వీరాజ్ యర్రాతో భర్తీ చేస్తున్నామని సన్ రైజర్స్ అధికారికంగా ప్రకటించింది.
కాగా, పృథ్వీరాజ్ యర్రా ఓ తెలుగు క్రికెటర్. రంజీల్లో ఆంధ్రా జట్టుకు ప్రాతినిధ్యం వహిస్తున్నాడు. 22 ఏళ్ల పృథ్వీరాజ్ ప్రధానంగా ఫాస్ట్ బౌలర్. 2017లో దేశవాళీ క్రికెట్‌లో అరంగేట్రం చేసిన ఈ ఎడమచేతి వాటం పేస్ బౌలర్ ఈ ఏడాది అద్భుతంగా రాణించాడు.
2020 సీజన్ ఆరంభంలో ఒంగోలులో జరిగిన దేశవాళీ మ్యాచ్‌లలో సౌరాష్ట్రపై 3, కేరళపై 6, హైదరాబాద్ జట్టుపై 6 వికెట్లు సాధించి సత్తా చాటాడు. ఇప్పటివరకు 11 ఫస్ట్ క్లాస్ మ్యాచ్‌లు ఆడిన పృథ్వీరాజ్ 39 వికెట్లు తీశాడు.
