మహిళా సిబ్బంది అక్కడికి చేరుకునేలోపే ఆమె ఏఎస్‌ఐని చెంపదెబ్బ కొట్టింది. దీనిపై స్పైస్‌జెట్ కూడా ఒక ప్రకటన విడుదల చేసింది. ఏఎస్ఐ మహిళా సిబ్బందితో దుర్భాషలాడాడని, డ్యూటీ తర్వాత తన ఇంటికి తనను కలవడానికి రావాలని ఆమెను కోరాడని పేర్కొంది.
స్పైస్‌జెట్ సిబ్బందిపై ఏఎస్సై గిరిరాజ్ ప్రసాద్ కేసు నమోదు చేసినట్లు ఎయిర్‌పోర్ట్ పోలీస్ స్టేషన్ ఇన్‌ఛార్జ్ మోతీలాల్ తెలిపారు. మహిళా సిబ్బంది లేకపోవడంతో గిరిరాజ్ ఎయిర్‌పోర్టు కంట్రోల్ అధికారులకు వైర్‌లెస్‌లో మెసేజ్ పంపి మహిళా సిబ్బందిని పిలవాలని కోరాడు. ఇంతలో సిబ్బందికి కోపం వచ్చి వాగ్వాదానికి దిగారు. ఇద్దరి మధ్య తీవ్ర వాగ్వాదం జరిగింది.
మహిళా సిబ్బంది వారి వద్దకు చేరుకునేలోపే, సిబ్బంది అతని చెంపదెబ్బ కొట్టింది. దీంతో విమానాశ్రయం ప్రవేశ ద్వారం వద్ద గందరగోళం నెలకొంది. అయితే చెంపదెబ్బ కొట్టిన మహిళను పోలీసులు అదుపులోకి తీసుకుని విచారించారు.
కానీ పోలీసు అధికారిపై లైంగిక వేధింపుల కేసు కింద చట్టపరమైన చర్యలు తీసుకుంటామని, స్థానిక పోలీసులతో కూడా మాట్లాడామని స్పైస్‌జెట్ తెలిపింది. "మేము మా మహిళా సిబ్బందికి అండగా ఉంటాము. ఆమెకు పూర్తిగా సహాయం చేస్తాము" అని స్పైస్‌జెట్ తెలిపింది.
