బర్త్ డే పార్టీకి ప్రియురాలిని పిలిచాడు. పార్టీ కదా... ఏదైనా అతి చేస్తాడేమోనని ఆమె తన తమ్ముడిని కూడా తోడు తెచ్చుకుంది. పుట్టినరోజు వేడుకలు చేసుకున్న తరువాత మద్యం సేవించడానికి కూర్చున్నారు. ప్రియురాలిని కంపెనీ ఇవ్వమని ప్రియుడు ప్రాధేయపడ్డాడు. ఇదంతా తనకు నచ్చదని వారించింది. కానీ ఎలాగోలా ఆమెను ఒప్పించాడు. కానీ ఆ పార్టీయే తనకు చివరి పార్టీ అని ఊహించలేకపోయాడు.
ఢిల్లీలోని వజీరాబాద్ ప్రాంతంలోని సాహిల్, ఇంటి పక్కనే ఉన్న వర్షలు ప్రేమించుకుంటున్నారు. సంవత్సరం నుంచి వీరి ప్రేమాయణం సాగుతోంది. అక్క ప్రేమలో ఉందన్న విషయం తమ్ముడు ఆకాష్‌కు తెలుసు. కానీ తల్లిదండ్రులకు తెలియదు.
