తాజాగా వెలుగులోకి వచ్చిన ఈ వివరాలను పరిశీలిస్తే, సామాజిక మాధ్యమాల్లో చురుగ్గా ఉండే శివంగి దబాస్‌ గత శనివారం తన స్నేహితురాలు, రెజ్లర్ స్నేహ రఘువన్షితో కలిసి ఓ బైక్ విన్యాసాన్ని చేసింది. ఇందుకు సంబంధించిన వీడియాను ఇన్‌స్టా వేదికగా పంచుకుంది.
ఇంకేముంది ట్రాఫిక్‌ నియమనిబంధనల్ని అతిక్రమించారంటూ రెజ్లర్ స్నేహ తల్లి మంజుదేవి ఇంటికి రూ.11 వేలు చలానా పంపించారు. వారికి బైక్ ఇచ్చిన ద్విచక్రవాహన యజమాని సంజయ్‌ కుమార్‌కు సైతం రూ.17 వేలు జరిమానా విధించినట్లు ఘజియాబాద్ ట్రాఫిక్‌ ఎస్పీ రామానంద్‌ కుశ్వాహ తెలిపారు. సరదా కోసం చేసిన ఈ వీడియో జరిమానా వరకు వెళ్తుందని అసలు ఊహించలేదని శివంగి వాపోయారు.
