విద్య, ఉపాధి కోసం దూర ప్రాంతాలకు వెళ్లే యువతులు అక్కడ అందుబాటులో ఉండే హాస్టల్స్‌లలో బస చేస్తుంటారు. ఇలాంటివారి ఎంతో జాగ్రత్తగా ఉండాలని చెప్పే ఉదంత ఒకటి తాజాగా వెలుగులోకి వచ్చింది. చెన్నై, ఆదంబాక్కంలో ఉన్న ఓ లేడీస్ హాస్టల్‌లో పదుల సంఖ్యలో రహస్య సీసీటీవీ కెమెరాలు పెట్టిన సంఘటన ఒకటి వెలుగులోకి వచ్చింది. ఈ వివరాలను పరిశీలిస్తే,
చెన్నై, ఆదంబాక్కంలో కొంతమంది మహిళా ఐటీ ఉద్యోగినులు ఓ ఇంటిని అద్దెకు తీసుకున్నారు. అయితే, రోజులు గడిచే కొద్ది ఇంటియ యజమాని సంపత్‌రాజ్ (48) వ్యవహారశైలిపై వారికి అనుమానం వచ్చింది. దీంతో మొబైల్ టెక్నాలజీతో వారు ఇంటినంతటినీ క్షుణ్ణంగా తనిఖీ చేశారు ఈ తనిఖీల్లో పడక గదులు, బ్రాతూమ్‌లు, బట్టలు తగిలించుకునే హ్యాంగర్లు, ఇతర ప్రదేశాల్లో రహస్య కెమెరాలు ఉన్నట్లు కనుగొన్నారు. దీంతో స్థానిక పోలీసులకు ఫిర్యాదు చేశారు. దీంతో ఇంటి యజమాని సంపత్‌రాజ్‌ను పోలీసులు అరెస్టు చేసి విచారణ జరుపుతున్నారు.
