కోవిడ్ నిబంధనలు ఉల్లంఘించినందుకు ఏ కుటుంబానికి అధికారులు ఏకంగా ఆరు లక్షల రూపాయల మేరకు అపరాధం విధించారు. కోవిడ్ రూల్స్ అమల్లో ఉన్న సమయంలో పెళ్లి నిర్వహించాడు. ఈ పెళ్లికి 50 మంది వరకు అతిథులు హాజరయ్యారు. వీరిలో 15 మందికి కరోనా వైరస్ సోకింది. ఈ విషయం తెలుసుకున్న ఆరోగ్య శాఖ అధికారులు ఆ కుటుంబానికి ఏకంగా రూ.6 లక్షల అపరాధం విధిస్తూ తీర్పునిచ్చింది. ఈ ఘటన రాజస్థాన్ రాష్ట్రంలో జరిగింది.
తాజాగా వెలుగులోకి వచ్చిన ఈ వివరాలను పరిశీలిస్తే, రాష్ట్రంలోని భిల్వారా జిల్లాకు చెందిన గీసులాల్ రాఠీ ఈ నెల 13న తన కుమారుడికి వివాహం జరిపించాడు. కరోనా కారణంగా పెళ్లికి 50 మంది అతిథులు మాత్రమే పాల్గొనేందుకు అనుమతి ఉండగా, నిబంధనలు పక్కనపెట్టి గీసులాల్ ఈ పెళ్లికి పెద్ద సంఖ్యలో అతిథులను ఆహ్వానించాడు.
అలాగే, కరోనా సోకిన వారిని ప్రభుత్వ ఐసోలేషన్ కేంద్రాలకు తరలించి చికిత్స అందించారు. వీరికి కరోనా పరీక్షల నిర్వహణ, చికిత్స, ఆహారం, అంబులెన్స్‌ తదితర వాటికి మొత్తంగా రూ.6,26,600 అయింది.
