హెల్మెట్ ధరించలేదని పోలీసులు ఓవరాక్షన్ చేశారు. హెల్మెట్ లేకుండా ద్విచక్రవాహనం నడుపుతున్న యువకుడి నుదుటిపై తాళంచెవితో పొడిచారు. ఈ సంఘటన ఉత్తరాఖండ్‌లోని రుద్రాపుర్‌ పట్టణంలో చోటుచేసుకుంది. ఆగ్రహం వ్యక్తంచేసిన స్థానికులు పోలీసు స్టేషన్‌ను ముట్టడించేందుకు ప్రయత్నించారు. దీంతో పోలీసులు వారిపై లాఠీ ఛార్జీకి తెగబడ్డారు. ఈ ఘటనపై మండిపడ్డ జిల్లా పోలీసు శాఖ ఓ ఎస్సై, ఇద్దరు పోలీసులను సస్పెండ్‌ చేసినట్లు ఓ పోలీసు అధికారి వెల్లడించారు.
