ఆర్థికంగా నిలదొక్కుకున్నాకే పెళ్లి చేస్కోండి: సీఎం సూచన

యువత ఆర్థికంగా నిలదొక్కుకున్న తర్వాతే పెళ్లి గురించి ఆలోచించాలని ముఖ్యమంత్రి కిరణ్ కుమార్ యువతీయువకులకు సూచించారు. ఎన్టీఆర్ స్టేడియంలో వివేకానంద జయంతి ఉత్సవాల ముగింపు కార్యక్రమంలో ఆయన పాల్గొన్నారు.

ఈ సందర్భంగా ఆయన మాట్లాడుతూ... స్వామి వివేకానంద ప్రపంచానికి ఆదర్శంగా నిలిచారన్నారు. ఆయన ఉద్బోధలు స్ఫూర్తిదాయకమని కొనియాడారు.

నేటి యువత వివేకానందుని స్ఫూర్తితో ముందుకు సాగాలన్నారు. ఆర్థికంగా స్థిరపడిన తర్వాతే వివాహం గురించి ఆలోచించాలని సూచన చేశారు. ఈ కార్యక్రమంలో క్రీడాకారుడు పుల్లెల గోపీచంద్, భాజపా నాయకుడు బండారు దత్తాత్రేయ తదితరులు పాల్గొన్నారు.