వాల్‌నట్స్‌లో బాదం ఒకటి. ఇది ఆరోగ్యానికి చాలా మంచిది. బాదం పప్పులో విటమిన్స్, ప్రోటీన్స్, మెగ్నిషియం ఎక్కువగా ఉంటాయి. ఇది కంటి సంబంధిత వ్యాధులకు చాలా ఉపయోగపడుతుంది. పిల్లలకు కూడా బాదం చాలా ఇష్టంగా ఉంటుంది. కాబట్టి బాదం పప్పుతో బర్ఫీ ఎలా తయారుచేయాలో తెలుసుకుందాం.
పాలు - 1/4 కప్పు
పిస్తా - గార్నిష్‌కి సరిపడా
తయారీ విధానం:
ముందుగా బాదంపప్పులను కొద్దిసేపు వేడినీళ్ళలో నానబెట్టిన తరువాత వాటి పొట్టును తీసివేయాలి. ఆ బాదం పప్పులను పాలతో కలిపి మెత్తగా గ్రైండ్‌ చెయ్యాలి. ఒక పాన్‌ తీసుకొని పంచదార, కొద్దిగా నీరు పోసి తీగ పాకం పట్టాలి. గ్రైండ్‌ చేసి పెట్టుకున్న బాదం పేస్ట్‌ను పాకంలో వేసి పచ్చివాసన పోయేంత వరకు కలుపుతూ ఉండాలి. అది దగ్గరకి వస్తుండగా కొద్దికొద్దిగా నెయ్యి వేస్తూ బాగా కలుపుకోవాలి.
ఈలోగా ఒక స్టీల్‌ ప్లేట్‌‌ను తీసుకుని దానికి నెయ్యి రాసి పక్కన ఉంచుకోవాలి. ఆ మిశ్రమాన్ని బాగా ఉడికి విడివిడిలాడుతుండగా దింపేయాలి. వెంటనే ప్లేట్‌ మీద కొద్దిగా మందంగా ఈ మిశ్రమాన్ని వేయాలి. అది గట్టిపడుతుండగా మీకు కావలసిన షేప్‌లో దానిని కట్‌ చేయాలి. చివరగా బాదం, పిస్తా పలుకులతో గార్నిష్‌ చేయాలి. అంతే బాదం బర్ఫీ రెడీ.
